Mātauranga Māori
Nā reira, e ngā mana, e ngā reo, e ngā karangatanga maha o te ao, tēnā koutou katoa.
- Our focus areas ›
- Literacy
- Numeracy
- Pasifika education
- Digital learning
- Curriculum
- Health education
- Research
Mā te ako ka mārama
Mā te mārama ka mātau
Mā te mātau ka ora.
Ko tā mātou he whakaputa rauemi mā ngā ākonga, mā ngā kaiako hoki ki te reo Māori mā te Tāhuhu o te Mātauranga, kia whakamahia ki te rāngai mātauranga Māori. Whakahāngai katoa ai mātou i ā mātou rauemi ki Te Marautanga o Aotearoa, me ā mātou rauemi whakaako mā ngā ākonga Rei ngā tau 1–8 ki Ngā Whanaketanga Rūmaki Māori.
He mea nui ngā whatunga ki tō mātou hapori, ō mātou pātuinga hoki ki te āhua o ā mātou mahi. He mea whakahirahira hoki ki a mātou te āhua o te whānau whānui i roto i ā mātou hātepe. Mā te āhua o tā mātou mahi ngātahi ka tutuki ai ā mātou mahi, arā, te hanga rauemi whirinaki, rauemi pakari, rauemi auaha hoki. Ehara, ko te reo Māori me ōna tikanga te tūāpapa me te whakamāramatanga tonu o ā mātou mahi.
He mea whakawhanake ā mātou rauemi i runga i te pou tarāwaho whakapai ake, nō reira he mea nui ki a mātou te whiwhi taunakitanga mai i te whakamātau, mai i ngā rangahau o nāianei anō hei whakamōhio i ā mātou mahinga.
Mā te tiritiri i ō mātou mātauranga puta noa i Te Pou Taki Kōrero, ka whakanikohia ngā mahi, ngā mātauranga anō hoki o te katoa o te kamupene.
He matakitenga tiri tā mātou katoa kia pai ake te whakatutukitanga me te angitu a ngā ākonga Māori. Ko te tino moemoeā, wawata kia whai hua nui ā mātou mahi ki ngā ākonga Māori.
Āhuatanga mahi
Ko tā mātou āhuatanga mahi he whakapuaki i te take e mahi pēnei ana mātou. Hoatu ai ēnei whakaaro ki ia ratonga, ki ia ratonga ka whakaratoa atu e mātou, ki ia rauemi, ki ia rauemi hoki ka waihangatia mai e mātou. Pānuitia ngā wāhanga nunui e whā o tā mātou āhuatanga mahi. 
Pānui mō tā mātou āhuatanga mahi