Mahi mātanga
Nā te hōhonu o tō mātou mātauranga, o ō mātou wheako hoki ka taea e mātou te hoatu mahi mātanga ngaio puta noa i ngā momo rāngai katoa.
He pīngore tō mātou mahi mātanga: e whakaritea tō mātou ratonga ki ōu ake hiahia, tae atu hoki ki ngā tino hiahia o te rāngai e mahi nā koe.
Ka hoatu whakataunga mātou, me ana tohu taunaki hei āwhina i a koe ki te tuitui i ngā whakaakoranga, akoranga whai hua anō hoki ki roto i āu mahi. Nā te whānui o te mōhio o ā mātou kaimahi ki ngā marautanga, tae atu hoki ki tō mātou kupenga whānui o ngā mātanga, ka taea anō e mātou te ārahi ngā hinonga, ngā pakihi, ngā rōpū o te kāwanatanga hoki ki te tūhono i ā rātou mahi ki ngā marau tauwhāiti.
He mātanga mātou mā:
- te mātauranga oranga
- te whanaketanga ngaio
- te whakaputa rauemi
- te mōhio ki te pānui me te tatau
- te Marautanga o Aotearoa
- te mōhio ki te pānui a te pakeke.
Whakapā mai ki te rōpū mahi mātanga
Ka uiui
- E ahu mai ana ā mātou tono utu, ariā, whanake kai ā-roto hoki ki ngā rangahautanga maha.
- Ka whakahaere mātou i ngā rangahau, i ngā uiuinga, i ngā arotakenga tuhinga whaihua i te ariā, i te mahinga hoki. Ka whakahaerehia hoki e mātou ngā hui i te taha o ngā mātanga, te hunga whai wāhi mai, me ngā kaiwhakamahi ratonga i tō rāngai.
- Ka aromātaihia, ka āta wānangahia anō ngā mōhiohio katoa ka kohia e mātou kia taea ai e mātou te taunaki i ngā hipanga māmā, tika hoki e tutuki ai ō putanga.
Ka whakarato
- He wheako ō mātou e mōhiotia whānuitia ana ki Aotearoa nei, puta atu ki te ao hoki i ngā hōtaka marautanga, i ngā kaupapa akoranga ngaio hoki.
- Hei whakapakari ake i ā mātou rawa ā-hinengaro, ko ā mātou tūhononga ki ngā hoa rautaki, ki ngā mātanga ngaio hoki. Mā tōu rourou, mā tōku rourou e eke panuku, e eke tangaroa ai te mahi.
Ka waihanga
- Ka whakahoahoa huarahi mō ngā marau, mō te whakaakoranga, akoranga whai hua, tae atu ki ngā whakaaro papa-taunakitanga hei āwhina i āu mahi.
- Ka whakawhanake pūrongo, whakataunga, pou tarāwaho hoki mātou hei whakahaumako i āu mahi haere ake nei.
Ka whakapai ake
- I a tāua ka mahi pātuitanga nei, ka kitea ai e tāua he mātau puiaki. Ka whakamahia ēnei mātauranga hei whakakaha ake i ā mātou mahi.
- Puta noa i ngā rāngai katoa, ko tā mātou he āwhina i a koe kia tika ai ō whakatau kia whai hua ai āu mahi, otirā kia whai māramatanga anō hoki te minenga e tika ana.
Āhuatanga mahi
Ko tā mātou āhuatanga mahi he whakapuaki i te take e mahi pēnei ana mātou. Hoatu ai ēnei whakaaro ki ia ratonga, ki ia ratonga ka whakaratoa atu e mātou, ki ia rauemi, ki ia rauemi hoki ka waihangatia mai e mātou. Pānuitia ngā wāhanga nunui e whā o tā mātou āhuatanga mahi. 
Pānui mō tā mātou āhuatanga mahi